2009年2月4日星期三

天九入門(一)

全副天九的三十二隻牌,括弧內為百多年前的舊稱(按圖放大)

伶冧呀六,長衫六,高腳七,重有一隻大頭六 ~~

天九和麻雀一樣,都是中國國粹,但前者在中原幾近失傳,即使在香港,懂得玩天九的亦越來越少(其實以天九牌為基礎的遊戲,包括牌九十五湖接龍(斜釘)與釣魚亦面臨同樣危機)。

學天九的第一步是認牌。一副天九共有三十二隻,分「文」、「武」兩種。你可以把它們想像成文官及武官。每種文官各有兩個,其位階由上至下為:
天 > 地 > 人 > 鵝(和) > 梅 > 長衫(長三) > 版櫈 > 斧頭(虎頭) > 紅頭十 > 高腳七 > 伶冧六(紅椎六)。
武官的位階從高至低則為:
九 > 八 > 七 > 六(大雞六或大頭六) > 五 > 三(山雞或三雞)。
除了大雞六及山雞各得一隻之外,其他武子亦各有兩隻。武子的階級和大小完全對應牌面的點數,非常易認。雖然同階級的武子(例如上圖左下方兩隻九點的牌)式樣不同,但它們功能上毫無分別。你可以當最初的設計者「玩嘢」,刻意製作一些難認的牌。

文子的點數或牌面設計與階級無關,純粹是種美術設計。初學者最困難的是要認得各文子。

從本篇起,在下會把天九玩法仔細道來,中間還會加插範例與練習。本系列預算有十篇左右,最後的兩三篇文章會總結天九的基本知識,以及它分別在十九與二十世紀的牌例。無意細水長流的讀者可等待這幾篇總結文章。(待續)

Technical note: 上圖用自由軟件 Inkscape 製作。

天九入門(一)(二)(三)(四)(五)(六)(七)(八)(九)




鄭君綿 ── 賭仔自嘆 (1969)

伶冧六,長衫六,高腳七,重有一隻大頭六,
二三更,瓜老襯,輸到我木。

日夜賭場來侍候,生意唔撈我兩頭遊。
我嘅錢輸晒,真係無修,
食更青,頂肚癮,搵菜頭。

畫 cheque 又怕彈返轉頭,問人地借,佢又擰下擰下頭。
籌碼部,佢又詐嬲,拈出碼頭把本收,
爛手錶,都當晒,冚辦爛無謀。

祖先不開眼,令我好擔憂,
我從前知道係咁醜,我都唔使踎街頭。


由本人製作,支援藍牙多人對戰的天九遊戲 T9 已經悄悄上架。若各位喜愛天九,請到 Google Play 支持本人繼續開發。儘管這是個收費軟件,但只要回本,我就已經很高興了。

Get it on Google Play

12 則留言:

匿名 說...

多謝你的天九入門。我身在美國,能找到識打天九的人不多。朋友中識打的大多數都是由我自己教出嚟。其實我對牌例只一知半解,所以我也不清楚應該如何了算結賬。例如七支結是否應將輸贏乘雙倍?至尊結及八支結又如何?我在十多年前寫下一個打天九的英文網頁(http://cp_lai.tripod.com/sky-nine.htm),但多年來都找不到專家來印證是否正確。如果你能夠替我校對一下,則將感激不盡。聯絡地址cplai@yahoo.com

The suffocated 說...

CP, 可以和多年前已經將玩法寫上網頁的閣下通信,我真的感到很高興。

牌例是約定俗成的,所謂「各處鄉村各處例」,除非規則太過奇怪(例如本文面世時,維基百科那一套,我就看得很不順眼;現在的版本,我依然覺得怪怪的),否則我們難言是否「正確」。當然,詳細考究過史上僅有的兩套例書之後,加上一己經驗,我的確希望提倡某一套兼顧古今的標準牌例,不過,即使你的玩法與我不同,只要玩得開心,又何必介懷?

我也打算將各牌例的異同表列出來,遲下會再拜讀你的網頁,希望到時你的文章依然留在網上吧。

匿名 說...

I am away from my iPad2. Without a good Chinese IME, I am switching back to English typing for now. When you compare the rule differences from various sources, you can assume my version is incorrect due to my lack of experience and research. I learned the game thru words of mouth from only one single source. On the other hand, yours is based on years of playing experience plus thorough research into century old references. Feel free to point out what you think is wrong on my page and I'll find time to correct them. One trouble with the demise of Geocities.com is that my page is duplicated at multiple archive sites, e.g. geocities.ws, oocities.org, reocities.com and even on the internet archive site. All these archived pages will remain wrong till eternity because I have no editing privilege to these archives. -- CP Lai

mapreader 說...

你好。我也喜愛天九這遊戲,可惜不易找到「腳」,以前也多是玩 Palm 的 SkyNine 遊戲。
最近在公立圖書館借了一本有關天九玩法的書,再在網上找找,發現閣下的網誌,對此遊戲有如斯詳細的記錄和考證,非常難得。有如獲至寶之感。
我也有同感,有關中國流存下來的各種民間遊戲,很多都不大流行 (當然麻將是一大例外),部分幾近失傳,所以也很支持將有關資料放在網上,作為文化記錄。我年前也花了點時間整理一名為「陞官圖」的遊戲,若有興趣,歡迎瀏覽賜教,多多交流。
http://mapreader2013.blogspot.hk/2009/10/blog-post_5597.html

lost in localization 說...

隔左好幾年先睇到呢個 post... 本身識識地玩排九,而家想學打天九但完全無腳,兩個人玩唔玩到 ga....?

The suffocated 說...

可以,不過二人天九並無任何流行的玩法,遑論標準牌例。以前我同祖母玩用真牌玩,都係跟返四人玩法。用四人天九牌例來玩二人天九,會有一些微妙而吊詭的現象出現,見前文

lost in localization 說...

感謝樓主! 重點係我而家o既朋友裡面完全無人識玩,對排九天九都無 0 concept,所以我想拉幾個朋友由排九學起玩下先,到佢地有興趣再一齊研究下天九... hahahah

匿名 說...

很高興睇到仲有人玩天九~
天九係我細細個時,長輩們教玩GA...

朋友一個都唔識~約埋都係打機,打牌...
剛好新年~我地每年年初一拜年都會開台~
唔打麻雀打天九!

不過真係各處鄉村各處例..同版主真係有D唔同.
1.一對伶冧六唔係至尊,只當係文對,冇錢收
2.一隻伶冧六可以么結,可以比高腳7擒
3.有例牌~全文子或全武子可以開牌,收雙倍
4.如果有人之前已經出左大雞,最後出細雞唔當么結
5.唔玩"以擒為大",
但如果擒唔到,擒玩家同么玩家會獨立計數
A(莊)出細雞想么結,
B(閒)出大雞擒,
C(閒)出9

最後係C贏,正常計數.C結下場係莊家

但係AB會再獨立計,即A輸3棟比B (如A只有一棟在手) x 莊倍數 x 擒倍數


BTW,好多朋友們都混淆左牌九同天九
其實我都有學過推牌九
但係就冇機會玩,過一排就會唔記得晒

另外~我係外國賭場見到有牌九玩~
真係用中國既牌九牌玩
我唔識牌九所以唔知係咪玩緊中國牌九

匿名 說...

例牌仲有全對子~~

匿名 說...

很高興睇到仲有人玩天九~
天九係我細細個長輩們教玩GA...

朋友一個都唔識~約埋都係打機,打牌...
剛好新年~我地每年年初一拜年都會開台~
唔打麻雀打天九!


不過真係各處鄉村各處例..同版主真係有D唔同.
1.一對伶冧六唔係至尊,只當係文對,冇錢收
2.一隻伶冧六可以么結,可以比高腳7擒
3.有例牌~全文子,全武子,全對子可以開牌,收雙倍
4.如果有人之前已經出左大雞,最後出細雞唔當么結
5.唔玩"以擒為大",
但如果擒唔到,擒玩家同么玩家會獨立計數
如,~
A(莊)出細雞想么結,
B(閒)出大雞擒,
C(閒)出9

最後係C輸,正常計數.

但係AB會再獨立計,即A輸3棟比B (如A只有一棟在手)



BTW,好多朋友們都混淆左牌九同天九
其實我都有學過推牌九
但係就冇機會玩,過一排就會唔記得晒

另外~我係外國賭場見到有牌九玩~
真係用中國既牌九牌玩
我唔識牌九所以唔知係咪玩緊中國牌九

The suffocated 說...

匿名君:
1), 2) 你的玩法簡單來說,就是有文么結而無文尊。正如我在天九入門(七)所講,這其實是較傳統(Ng 氏)的玩法。這方面,我自己則較多用另一種(Culin 氏)傳統玩法,即是既無文么結亦無文至尊。至於本系列的牌例,由於天九文丶武子不對稱,已足夠令初學者頭痛;為顧及不同玩家的玩法,又不想弄出太多異例的組合,我才決定將文至尊和文么結捆綁在一起。
3) 玩法是個人喜好,無對錯之分,不過我確實不大喜歡例牌這個概念。天九是鬥牌遊戲,本來就與例牌格格不入。清代馬弔(馬弔也是鬥牌遊戲,不是麻雀般的湊牌遊戲)就是有太多得分名目(包括但不止於例牌),令牌例過於臃腫,間接令這個遊戲沒落。我不想天九步馬弔後塵。
4) 對呢!我也記得有這樣的玩法,卻忘了於文中提起。日後有時間的話,我會補充。謝謝。
5) 這個我倒真的未聽過。

匿名 說...

電腦問題重複Send..sorry

第5點

最後係C贏,正常計數.C下一場做莊

AB再獨立計