毋忘 6:4

本身唔係球迷，但都睇得好開心。

上半場入球之多，重以為睇緊籃球。

下半場令我聯想起那些以壕溝戰為本的戰爭小說。原來單靠一個有天分的突擊兵，真的足以改變整個局勢。

入球方面，最喜歡英格蘭第三和第六球。第三球A射唔到就交波畀B，B射唔到再交返畀A，A再射唔到又交畀B，最終B成功入波。兩人唔因貪功而强攻，一己不成就交畀隊友嘗試，屢敗屢戰，前後四試方竟其成，二人堅毅不拔，令人嘆為觀止。我係外行人唔識睇波，但係好 impressed。

至於第六球，單兵突擊差唔多半個足球場，真係好熱血！

Spain will play the World Cup final and I love Cantonese

Spain will play the World Cup final.

這個消息，台灣報章多說成「西班牙晉級/挺進/將參加/將出戰世界盃決賽」，好像沒有比較貼近英文的說法？

換成粵語就很簡單，「西班牙會踢世界盃決賽」。

水泡

最近讀輕小説，睇到有關救生衣同救生圈的情節，忽然諗起，我知道救生衣的英語是 life jacket，但救生圈叫乜？諗極都諗唔到。死死氣查字典，先知道答案係 lifebuoy。然後醒覺：噢，我根本從未學過呢個單詞。

救生圈並非生僻詞，但平日行文唔會用到，所以唔知英語係乜，自問亦情有可原。其實中文都一樣，有些字，口語常用，卻極少入文，唔識寫一㸃都唔奇。於我而言，最經典的例子莫屬「打乞嚏」的「嚏」字。我要靠以下有些冒犯的 mnemonic 先記得怎寫：

中世紀那些所謂教宗，不過是頭帶十字冠冕，有田有地的老疋夫。

嚏