2018年12月27日星期四

2018年,我居然一本書都睇唔完

於我來說,今年是知性低落的一年。撇開本行用書、工具書、小説、雜誌及漫畫等等不談,今年我唯一揭過,非本行的 non-fiction,就只有 Tim Marshall 的 Prisoners of Geography,而我居然連這麼一本薄薄的書都讀不完。

自己不讀書,最大問題當然在自己身上。然而跟以往不同,我總覺得,如今的書籍和影視的情況愈來愈似,沒有太多令人感興趣的作品。以紐約時報推薦的《2018年值得留意的100本書》為例,內中一半的 non-fictions,我找來找去,別說令人眼界大開,就連言之有物的,好像也沒有多少本。不知讀者有無類似感受。

2018年12月12日星期三

另類「最有錢的1%」

忽發奇想,九七後藉着中國殖民政府投資移民/專才計劃來港的中國人當中,最有錢的1%會唔會擁有簽發給他們的護照總數的10%?

2018年8月8日星期三

團購香港基金

David Webb 日前踢爆老董於1999年,准許美國以一筆過四千四百萬文的價錢,續租駐港總領事館現址999年,其間美方重可以賣該地賺錢。既然中國誓要佔領香港,唔畀香港獨立,港人不如當買渠怕,畀筆錢過渠,租起成個香港999年自己管理,就當有人收陀地。

咁做要幾錢?

香港全土總面積略少於300億平方呎,領事館總面積則為308595平方呎。按地積比例計,香港人要交 (300億/308595)×4400萬 = 42775億陀地畀阿公,先可以租返自己個場來做。現時香港總人口大約740萬,其中約83%係成年人。以六四比例計,有四成係二五仔。若餘下六成人肯齊心,每人都要夾 42775億 / (740萬 × 0.83 × 0.6) = 116萬先夠皮。

統計處並無香港人資產的統計。根據瑞信2016年估算,香港成年人平均資產為145萬港元。145萬只係略多於116萬,而且重包括不動產,所以驟眼睇來,買起香港呢條橋行唔通。不過,領事館位處CBD,香港其他地方無奶油都係租咁貴。況且,就算無錢租999年,淨係租99年唔使班中國人喺香港搞搞震都好。就當只租99年租金減半,拉匀全港租金又當係CBD租金的7折。咁樣,每個非二五仔的成年人,只需科款41萬就夠,都唔係無得諗。

謹此呼籲董生,幫香港人成立一個「團購香港基金」,同阿公斡旋,回租香港99年。畀我等「自己個場自己睇」,還香港人一片淸靜。