達賴與貝爾斯登

呢幾日的世界大事，當數投資銀行貝爾斯登 (Bear Stearns) 被美國聯邦儲備局「安排」以超賤價每股兩蚊售予細摩，同西藏爆大鑊，中國總理溫家寶用「達賴集團」（在大陸一般用來稱呼犯罪集團的方式）來形容西藏流亡政府，顯示大家的關係很可能已經到達 the point of no return。

想深一層，兩件事其實有點相似。當年中共兵臨城下，達賴在半逼半哄之下，簽落所謂的十七條。後來貨不對辦，達賴唔止變左舔野之達人，西藏重從此落在中共手中。而近日搞到滿城風雨的 CDO，其實係細摩當初從劍橋大學請返來的博士生蜜斯 Blythe Masters 的發明。貝爾斯登以為呢家野好好玩，點知玩出禍，結果重畀細摩吞併埋。

以上類比不能扯得太遠，但兩者都係始作俑者唔單止唔使負責，重成為最大得益者的案例。有時世事就係如此令人吹脹。