2018年4月14日星期六

五夜講場

偶然看了一段齊澤克有份參加的BBC清談節目。我以為香港清談節目的嘉賓才喜歡搶白,誰知此節目也一樣,齊澤克要到節目最最最尾,方有機會完整地講完一句説話,可是那時已失去上文下理,所以我無法了解他真正的想法是甚麼。



港台正推出新一輯「五夜講場」。上一輯有個毛病,就是主持表現不濟。「哲學有偈傾」的主持完全鎮不住場,「歷史係咁話」的主持就悶到出汁,只有「文學放得開」的鄧小樺才帶得出生動討論,不過她太喜歡表達自己意見,不夠時間畀嘉賓講,雖遠不如前述BBC節目那麼離譜,鄧小樺亦非常尊重嘉賓,我仍希望聽多一點嘉賓的意見,而不是看她的獨腳戲。

話說回來,今輯新設的「學人講經濟」,此名稱的雙關語用得很妙,只希望節目也如名稱一樣好。

4 則留言:

方潤 說...

個名係幾有趣,可惜睇左兩集內容冇乜新意。就算唔理私怨睇左兩集,都覺得冇咩值得繼續睇。
更慘既係,有朋友話佢朋友覺得內容太難明。即係冇跟開經濟議題既人聽唔明,有跟少少既(如在下)又嫌悶,死未。

反而錄左星期五晚講科學既仲未睇,希望有驚喜。

方潤 說...

其實呢D night talk show,唔計以前TBB搵吳君如講娛樂圈果D,最好睇都莫過於晚吹既《啪啪聲,太好聽》同《又要威 又要戴頭盔》,真係話題吸引、主持有火花之餘又令人接觸到平時唔知既野。

(《有病有真相》就已經類似《醫生與你》或《恐怖醫學》果類,唔多係talk show了。)

The suffocated 說...

我要求的大概沒有你那麼高,毋須令人大開眼界,足夠刺激思考就夠。

方潤 說...

我都唔係高要求,只係如果D論點第度都聽過晒,就會覺得冇咩新刺激、唔需要特登睇囉。