都是佔中惹的禍

【晴報專訊】零售市道唱淡，近年主打平價的759阿信屋和價真棧等連鎖食品店遍地開花，但亦有大型平民超市不敵市道轉差，及舖租和人工貴，致5間分店有4間結業。學者預計，連鎖食品店在未來一年會有整合期，部分小分店或合併為大分店。

經營食品批發的陳勇前，近4年開了5間「美家超級市場」，每間面積都由數千至逾萬平方呎不等。他堅持不收上架費，以平價為賣點，分店遍布藍田、新蒲崗、黃大仙、長沙灣及土瓜灣。但他坦言，佔中後自由行減少，經濟萎縮，市道變差，日做10萬元生意的分店跌至6萬元，整體生意大減4成，但全綫舖租卻不減反加15至35％。

他指，超市已蝕逾千萬元，且大部分租約到期，續約亦難以支撑，惟有由全盛期的5間減至1間分店，只餘土瓜灣分店。

---

當我讀到「佔中後自由行減少」時，首先想到的是，超級市場的主要客源，無理由是自由行吧？後來多讀該段新聞一次，才明白這位陳老闆的意思：

「佔中後自由行減少，經濟萎縮，市道變差」

噢，I see。渠原來唔係話渠間超市主要靠自由行生意，而係話：

佔中⇒自由行減少⇒整體經濟變差⇒一般人減少消費⇒渠箇幾間超市都受影響。

真係好間接。之不過，咁我又唔明嘞。

報道話渠箇間係「平民超市」，即係賣日用或必需品居多。叫得做必需品，即係無論經濟旺淡，市民都需要，亦即需求彈性細。咁，又點會因為經濟差而舐嘢？又唔見百佳惠康執笠？

再者，若經濟差的話，又點會個個業主都加租 15-35%？

更何況，同樣係賣平貨，報道卻說「主打平價的759阿信屋和價真棧等連鎖食品店遍地開花」，這豈非矛盾？

乜都賴佔中，我心諗，呢條友莫非係箇D乜鬼全國政協或者××社團聯會之流？心血來潮之下，上網一查，發現：

陳勇前先生，祖籍廣東惠州，居於香港。現時乃香港陳記食品集團董事長、中國政協常務委員會河源市政協常委、香港特區政府撲滅罪行委員會觀塘區委員、香港特區政府公民教育委員會觀塘區委員、香港河源社團總會首席常務副主席、香港基層力量籌委會主任。

好邪呀！