老闆的爛 gag

我以前的老闆有好多爛 gag，昨晚飲宴，佢又講咗幾個。其中一個是這樣的：

「個巿唔好呢，就要學楊過。」
「點解？」E 問。
「有兩個原因。第一係佢識壯士斷臂！」
我唔覺得好笑，不過 E 飲大咗，好鬼死 high，所以都笑騎騎。
「咁另外一個原因呢？」
「因為佢嗌『沽沽』嗌咗十六年！」
「哈哈哈！」眾人為之絕倒（包括我在內）。
「喂，呢個爛 gag 好好笑！」我說。
C 指出：「好笑就唔係爛 gag 啦！」
「咦？又係噃 ……」。

夜深，回程的巴士上。
「唔，楊過好似同小龍女喺古墓成親時已改口叫佢做龍兒 ……」我心想。
唉，太認真係唔會有幽默感嘅。