大感動，Radioplayer!

英國各電台當中，我最喜歡的是倫敦的 Magic 105.4 電台，貪佢揀的歌比較啱聽，同埋佢嘅口號 "More music, less talk" 毫無花假。BBC Radio 我反而聽得少。

後來不知是英國政府規定，抑或是版權問題，英國各電台的互聯網廣播，若非限制只於英國本土播放，就是要求海外聽眾證實自己有資格收聽（例如輸入有效的 UK postcode），方可接收廣播。結果我要靠 VPN 接駁到英國的 server，方能在香港聽到 Magic 的廣播，相當麻煩。免費的 VPN 有幾安全，也成疑問。通常我都是連接了 VPN 之後，打開 browser，上 Magic 的 website，待它的 player initialized 之後就立即中斷 VPN 的接駁，免得引起安全問題。開開關關，都咪話唔濕滯。

 直到昨天我才發現，原來 BBC 聯同另外幾個電台，搞了一個 Radioplayer，用它來接駁 Magic，竟然不用 VPN 也可以聽到廣播。以後唔使煩，真係大感動！而今我主要都係用佢來聽 Magic 或者 LBC 的 talk shows。儘管 LBC 有些主持人的觀點太過右派，唔係我杯茶，但是聽下外國的 talk shows，令自己的世界無咁封閉，都是好事。

順帶一提，用 Radioplayer 來上某些電台，第一次仍是要輸入一個有效的 UK postcode 的。讀者求其輸入一個有效的就可以。英國的 postcode 中，按字母排序，最短兼最簡單的，似乎是 B1 1AA。若讀者無記性，實際上 Radioplayer 的 About 頁當中也有一個有效的 UK postcode，請自己找找看。