梳理 demo

權：你覺得呢個年紀嘅人，有乜共同特色？
華：想富狎半山，買七萬蚊呎嘅樓。

權：除咗呢樣，生活上呢？
華：好多人都只係供緊四千蚊呎嘅樓。

權：有乜差異？
華：…… 無乜差異啩，天水圍李家有好多四千蚊呎嘅樓都好正0架，驅車出中環，都係幾個字啫。

權：你係咪覺得呢代人會好極度地享受呢種好 luxurious、好 conspicuously luxurious？
華：嘩，咁 … 深嘅？會啩。

權：慳電膽係咪環保？慳電膽同利益輸送有無關係？
華：環保！慳電膽好環保！

權：慳電膽同利益輸送有無關係？
華：…… 係咪有泛民議員嘅親家賣慳電膽？吓？乜原來係細姪個外父？無！絕對無利益輸送！

權：有無曾經後悔？例如為推一項政策而無申報利益。
華：無！為了公益，我再委屈都唔怕！

權：對於我無申報利益，你有乜comment？
華：呢D係個別事件，no comment。

權：而今年輕人係點？
華：佢地對國民身份認同不足，不識大體，返工又唔打 bow tie，做事又馬馬虎虎，唔肯 keeps your promise ... uhhh ... keep his promise，咦？唔係，應該係 keep your promise ... 抑或 keeps his promise?

權：咁你有無衝動同欲望梳理自己？
華：（小心奕奕）… 喺 … 阿爺面前定係喺立法會裏頭？

權：你覺得年輕人追求自己或做緊乜嘢係咪好重要？
華：年輕人絕對唔可以濫藥。無錯！一定要強制校園驗毒！

權：快樂對你來講係乜嘢？你快唔快樂？
華：國家嘅快樂，就係老闆嘅快樂；老闆嘅快樂，就係香港人嘅快樂、我嘅快樂。此刻我嘅快樂就係追隨老闆，做推銷員之子，sell 多 D 慳電膽。