潮與苦

家住天水圍，每逢回南天，電腦總不時失靈。嚴重的時候，甚至好幾日開不了機。今年情況猶甚於去年，不止電腦有問題，連隔籬鄰舍也傳出開不了電燈，升降機無法關門等等消息。

兩週前急用電腦，但開不了機。我心想，若非開關掣太潮濕，就是火牛（變壓器）有問題。因今次不能乾等，唯有打開機殼，用風筒吹內籠，卻無效，只好死死氣問樓下的電腦舖老闆，開關有無得替換，答案亦一如所料 ── 無。心中正大呼不妙，打算為了一顆開關掣而更換整個機殼之際，老闆竟然吐出珍貴情報：

「你部機個 Reset 掣有無問題？」
「喔……無。」
「咁，掉轉開關同 Reset 兩條線來插咪得囉！」
「咦？乜 Reset 掣唔係三針嘅咩？」（我印象中如此）
「唔係！係兩針。你試下啦！」

多謝老闆，果然 work。

無驚無險過了兩星期，誰知剛才又出事 ── BIOS detect 唔到 harddisk！

這次情節嚴重得多，你知啦，電腦嘅嘢，最大鑊係壞 harddisk。無咗 data，比失去其他部件更無法彌補。

絕望之下，唯有一試老闆教落的「掉轉插」絕招。今次，我將 DVD drive 同 harddisk 兩條 SATA 線掉轉插。

你現在能看到這篇網誌，已經說明結果如何。記住啦，潮濕開唔到機，可以試下互換 cables 的插位！