The joy of learning

呢個標題，是抄自電鋸的。史丹福今季的 AI 與 ML 課程剛剛完結，距離下一季開課還有一個月，於是我昨晚急急腳上網報讀同樣剛剛完結的 DB 課程。雖然任何人事後都可以上網睇返 lectures 的影片，但係無報讀的話，就無得觀看功課內容，更遑論做功課或參加考試。

據說 DB 乃三個課程之中，難度最接近正式的本科生課程者。我一口氣完成了第一週的課程，覺得 DB 在三個課程當中，真係「有 D 嘢」，不但老師教得最好，功課亦設計得最佳，令我每條題目都學到嘢。我無諗過自己學 DB 呢類睇落好 Q 悶的課題，結果反而最留心聽。例如以前好多次試過想學 XML，但係拿起書讀幾頁就已經見周公，但係睇史丹福的 lectures，做了幾題寫 DTD 的 hands-on exercises，就即刻入腦。第四份功課講 Relational Algebra，最後一題好難，但係又唔會令人氣餒。最後解決到的時候，真係好有滿足感，玩得好過癮。下一課係 SQL，期待更有趣的挑戰。