從前有條友叫拉什迪

佢真係口多多，既話甘地夫人 (Indira Gandhi) 無睇緊佢老公，搞到後者心臟病發時失救至死，又寫書諷刺貝娜齊爾 (Benazir Bhutto) 六親不認，連屋企人都殺。即使是超級強國 Uncle Sam，在佢口中亦不過係「強盜扮警長」("the bandit posing as sheriff")。

條友唔知係咪見自己無畀人潑米田共，就以為全世界都得罪得，於是水繼續吹，點知有日終於踩屎。

話說佢寫小說時文思乾涸，便隨手拿了可蘭經入面幾個故仔來改，就連書名都懶得起過個，索性套用先知穆罕默德的一段典故，叫《撒但的詩篇》(The Satanic Verses)。誰知自己讀書唔多，唔知道原來「撒但的詩篇」只係部份西方學者的叫法；在回教世界，有關典故叫「雀兒的詩篇」。於是舔左野，重係好大好大鑊野：伊朗精神領袖 （Imam，伊瑪目）高美尼 (Ruhollah Khomeini) 認為佢侮辱了伊斯蘭和先知，在他的書中「穆斯林發現令人難以置信的褻瀆」，於是發出武林聖火令（教令，fatwa），要求全球回教徒追殺拉什迪，不死不休。在英國，有六間書店因為售賣拉什迪的書而被炸毀，及時發現爆炸物和收到死亡恐嚇的更加不計其數。

被人追殺，點算好？拉什迪首先便明智地道歉。佢話自己好後悔本書搞到咁多伊斯蘭教徒唔高興；在一個存在不同信仰的世界，今次事件提醒了我們必須留心別人感受。不過伊瑪目拒絕接受道歉，重話：「即使拉什迪悔過，並成為史上最虔誠的人，每一個穆斯林依然有責任用他的生命、財富和所有，把拉什迪送進地獄。」所謂唔怕生壞命，最怕改壞名，拉什迪 (Salman Rushdie) 呢舖真係 rush to death。佢後來著草去了倫敦，一貶眼就二十年，到而今仍然被警方保護緊。

呢個故事教訓我地，得罪人都要睇對象。好似 Daniel Brown，所謂的達文西密碼明明係老作，但賣個滿堂紅，又唔使驚D基督待會對佢點樣，呢D先叫做醒目。

Reference: The Satanic Verses controversy, Wikipedia.